Bansaik Iduik........(baibo ati.)

Hari rabaa pukua Satu
Urang manembak buruang nuri
Kanai sikikia sadang tabang
Jatuaah badarai sibungo lado
Lai barisarawa indak babaju
Baa kadituruik galanggang rami
Disinan diri raso tagamang
Jatuah badarai ayia mato

Habilah pandan dek pianggang
Hanyuik dek ayie masuk jamban
Dimakan ikan habih sadonyo
Kama badan ka batenggang
Langit runtuah bumilah taban
Sansailah badan kama dibao

Pantun nan sangad Unik

Di download lu sanak

rindu.........

Taganang ayia dinan kalam
karam kapa disuliki
takana adiak tangah malam
den paguik banta ditangisi

guruah jo patuih panubo limbek
pandan tajamua di subarang
baratuih ramuan ubek
badan batamu mangkonyo sanang

puluik puluik jo mangkudu
hari patang harilah sanjo
suliknyo hiduik manangguang rindu
tungkuik tilantang kamari bedo

ramo-ramo sikumbang jati
katik endah pulang bakudo
lamo-lamo manahan hati
alamaik lah bujang mati mudo.

takena - kena.........

Api-api saribu Satu
Angko satu muko balakang
Yo dek hati lai katuju
Mako dirabuik ditangan urang

Minyak banamo minyak kamiri
Indak sarupo jo bungo pandan
Cinto suci den baok mati
Kalau sakubuo sakain kafan

Talantang ikan tanggiri
Dibao badai ka pulau pandan
Tatompang dibiduak tirih
Karam sarantau hanyuiklah badan

Kasawah manangkok bilalang
Bilalang ditangkok anak ketek
Dipanggang lalu dimakan
Mangko adiak acok tabayang
Tabayang kito masih ketek
Suko bamain anak-anakan

Karimbo mancari sarai
Dicari sarai harum baunyo
Ditumbuak untuak ka ubek
Ambo manjadi marapulai
Adiak jadi anak daronyo
Baitu alek katiko ketek

nasihaik

oi upiak rambahlah paku..
nak tarang jalan ka parak..
oi upiak ubah lah laku..
nak sayang urang ka awak..

dek ribuik runduaklah padi...
di cupak datuak tamangguang..
kalau hiduik indak babudi ...
duduak tagak kamari cangguang......

Puluik manih ditangah sawah
Sikaduduak banyak rang suko
Muluik manih kuncindam murah
Dima duduak banyak rang suko


Tajak-tajak digulai manih
Elok digulai rang kaladang
Awak rancak galaknyo manih
Lenggok bak itiak pulang patang


satali pambali kumayan..
sabenggo pambali katayo..
sakali diri kaujian..
salamonyo urang indak pacayo..

pasan.

balai tangah jo tapi selo
tigo sajoli jo lubuak jantan
oi pena tolong bakato
oi karateh tolong sampaikan

kabuo kito kabuo
hari kamih ka balai tangah
nandek hati taragak basuo
dek adiak bao balengah

Kareh ati

batusangka balantai batu
parakjua labuah basilang
sadang dek kapa indak laju
kunun dek rakik batang pisang

batu akiak parmato akiak
dibaok urang dari bintan
jikok kareh dak dapek ditakiak
elok den tagak pai bajalan

kopi paik sadaran gulo
gulo nan datang dari batawi
jika iduik indak baguno
elok sanak bunuah diri