Rabu, 02 Maret 2011

takena - kena.........

Api-api saribu Satu
Angko satu muko balakang
Yo dek hati lai katuju
Mako dirabuik ditangan urang

Minyak banamo minyak kamiri
Indak sarupo jo bungo pandan
Cinto suci den baok mati
Kalau sakubuo sakain kafan

Talantang ikan tanggiri
Dibao badai ka pulau pandan
Tatompang dibiduak tirih
Karam sarantau hanyuiklah badan

Kasawah manangkok bilalang
Bilalang ditangkok anak ketek
Dipanggang lalu dimakan
Mangko adiak acok tabayang
Tabayang kito masih ketek
Suko bamain anak-anakan

Karimbo mancari sarai
Dicari sarai harum baunyo
Ditumbuak untuak ka ubek
Ambo manjadi marapulai
Adiak jadi anak daronyo
Baitu alek katiko ketek

2 komentar:

  1. permainan takena-kena tau gak bapak.. kalau tau segera kasih tau bentuk perminnya bapak.. terima kasih.

    BalasHapus
    Balasan
    1. takena-kena. bukan permainan tapi istilah bahasa minang yang artinya terbayang-bayang...

      Hapus