Senin, 28 Februari 2011

nasihaik

oi upiak rambahlah paku..
nak tarang jalan ka parak..
oi upiak ubah lah laku..
nak sayang urang ka awak..

dek ribuik runduaklah padi...
di cupak datuak tamangguang..
kalau hiduik indak babudi ...
duduak tagak kamari cangguang......

Puluik manih ditangah sawah
Sikaduduak banyak rang suko
Muluik manih kuncindam murah
Dima duduak banyak rang suko


Tajak-tajak digulai manih
Elok digulai rang kaladang
Awak rancak galaknyo manih
Lenggok bak itiak pulang patang


satali pambali kumayan..
sabenggo pambali katayo..
sakali diri kaujian..
salamonyo urang indak pacayo..

Minggu, 27 Februari 2011

pasan.

balai tangah jo tapi selo
tigo sajoli jo lubuak jantan
oi pena tolong bakato
oi karateh tolong sampaikan

kabuo kito kabuo
hari kamih ka balai tangah
nandek hati taragak basuo
dek adiak bao balengah

Kareh ati

batusangka balantai batu
parakjua labuah basilang
sadang dek kapa indak laju
kunun dek rakik batang pisang

batu akiak parmato akiak
dibaok urang dari bintan
jikok kareh dak dapek ditakiak
elok den tagak pai bajalan

kopi paik sadaran gulo
gulo nan datang dari batawi
jika iduik indak baguno
elok sanak bunuah diri

Baibo ati

dari kuok ka bangkinang
singgah sabanta aia tirih
katan disanduak goreng ilang
andam maratok kopi manih

Payokumbuah koto nan ampek
babelok jalan kalimbanang
jolo lusuah ikan tak dapek
badan lah dingin dek baranang

sungai janiah ayienyo dareh
jikok mandi jan dihulunyo
sangka sudah buruangnyo lapeh
tangan lah panuah dek bulunyo

Tabanglah buruang kapaburuang
Tabang kadahan simapalam
Abih manih samparah dibuang
Baitu bana hukumnyo alam